Thursday, November 23, 2017

देव आहेस देवा सारखा वाग
आता जरा आपल्या कामाला लाग

मुसळधार बरसून जा
रान सारे फुलवून जा

नको चंद्र नको तारे
ढगांच्या अंधारात लपव सारे
अन नको त्या सूर्याची धग
दिवसाही बरसु दे तुझा शामल ढग

ये रे बाबा आता तरी ये
डोळे आभाळाकडे लावून
जीव आता शिणला रे

असंख्य भक्त तुझे
पशु पक्षी नि मनुष्य भले
नको खेळू जीवा त्यांच्या
आयुष्य वेचतील तुझ्याच सेवा
झाडे लावू, डोंगर जपू
जंगले वाढवू अन निसर्गात रुजू

पण ....
ये रे बाबा आता तरी ये
डोळे आभाळाकडे लावून
जीव आता शिणला रे

कहर तुझ्या सरींचा होऊन जाऊ देत
नद्या नाले रस्ते सगळे भर भरून वाहू देत
पृथ्वी ला या अभिषेक होऊ दे
सृष्टी सारी जिवंत होऊ  दे

शेती ला या खूप फलू दे
या शेतकऱ्याला हि थोड जगू दे

ये रे बाबा आता तरी ये
डोळे आभाळाकडे लावून
जीव आता शिणला रे








का बरे झाले असेल असे
काय घडले असेल खरे

सोशल मीडिया वर सारे
तर्क वितर्क लावतील पुरे

आई बापाचे काळीज बापडे
शब्दा गणिक हृदयाला तडे

काय खरे नी काय खोटे
दुनियेस काय त्याचे पडे

दुःख ऊरी घेउनी सारे
आश्रु काळोख्यात लपवून सारे
पुन्हा पहाटे उभे राहावे
जगास साऱ्या काय सांगावे

की निमुट सारे सहन करावे
हितचिंतकांचे अकलेचे तारे
कि द्यावे सर्वाना उत्तर
वेशीवर टांगलंय
आमचे दुःख बेहत्तर

उसना का होईना
थोडा हळवेपणा बाळगा मनी
वेळ केव्हा काय आणेल
का सांगितलंय कोणी ?


Monday, November 20, 2017

अनोळखी मी

पुन्हा तोच आवाज....
पुन्हा तोच चेहरा ...
                 .........ओळखीचा

पुन्हा तेच शब्द...
पुन्हा तीच वाक्य ...
               ............. ओळखीची

पुन्हा तेच प्रेम .....
पुन्हा तोच जिव्हाळा....
               ..............ओळखीचा

पुन्हा .... मीही तोच
स्वतःला ना उमजणारा ....
                 ............. अनोळखी
प्रेमात पूर्ण झोकून देणारा...
तुझ्यात अलगद सामावून जाणारा...
पण ... स्वतःला न ओळखणारा ....
                    .............. अनोळखी...