Tuesday, May 19, 2026

सांग बरं देवा कुठे आहेस तू

 सांग बरं देवा कुठे आहेस तू

तुझ्याच दारात बरे बसतात लाचार गोर गरीब

कोणी नशिबाने गरीब कोणी पैशाने 

प्रारब्ध कर्म ह्याचा असेल सर्व खेळ

का बरं हवा मग तुझ्या सोबत मेळ 

सांग बरं देवा कुठे आहेस तू

तुझ्याच पवित्र कुंभ पर्वात

आई बाप बरे हरवतात

तुझ्या दारा समोर बरे 

अनाथ चिमुकली बागडतात

सांग बरं देवा जरा कुठे आहेस तू

लाज सारी वेशीवर टांगून

तुझ्याच दारा समोर बऱ्या 

छोट्या बालिका भीक मागतात

व्याधींनी त्रस्त सारे कसे 

दारात तुझ्याच लोळतात 

सांग बरं देवा जरा कुठे आहेस तू

बाजार मांडतात तुझा सारे

घरात तुझ्याच कसा रे 

पूजा अभिषेक सारेच घेतात

भक्ती भावाच्या किमतीने

तरी समोर बसून बघतोस

उघड्या डोळ्याने सारे ते

सांग ना रे देवा जरा

म्हणतात तसे असतोस ना तू खरच

 प्रामाणिक प्रार्थने मध्ये 

बाळांच्या निरागस नजरे मध्ये

आई बापाच्या आर्त हाके मध्ये

निष्पाप चिमुकल्यांच्या काळजा मध्ये

सांग ना रे देवा तू....

कधीतरी बोल आमच्याशी तू

असंख्य अशा प्रश्नांची 

उत्तरे पण दे जरा तू....

आरे!!! 

का तुझ्या कडे पण आले

गुगल What's app आणि insta

रंभा उर्वशी चे reels बघण्यात 

तू पण मग्न का झालास 

माणसा सारखा तू पण का

माणसा पासून दूर गेलास ..... 


काय मिळवलं माणसांनी

 काय मिळवलं माणसांनी

असं काय मिळवलं माणसांनी 


रस्ते केले आणि गावं हरवलं 

गावं हरवलं तसं माणूसच हरवला

लाईट च्या झगमगाटात इवलीशी 

मिणमिणती पणती हरवली

पणती हरवली तशी शांतताच हरवली

नदी चे प्रवाह बदलले 

डोंगरांचे ही पठार केले

जंगलांचे resort झाले

DJ च्या आवाजात 

निसर्गाचे धिंडवडे निघाले..

मोबाईल आणले आणि 

गावात जमणारा कट्टा हरवला

असंख्य tv channel मध्ये 

रात्रीच चांदण हि हरवलं 

LPG चा सिलेंडर आला आणि

चुलीवरच्या धुरड्यात फुंकणी ने 

पेटलेला विस्तव हरवलच....

Geyser solar सोबत 

तांब्याच्या त्या बांबातला धूर ही हरवला



कुठेतरी हळुवार शांत प्रकाश 

त्या लांब झोपडीतला बोलावतो मला

त्या प्रकाशातल्या सावल्या 

माणसांपेक्षा जवळ वाटतात

त्या समोर बसलेल्या प्रेमळ आजी

ओळख नसतांना ही हव्या हव्याशा वाटतात

निरागस डोळ्यात प्रेम मावत नाही

त्यांच्या शब्दां मधून आपल्या सारखा

व्यवहाराचा वास येत नाही...

येणारे जाणारे सर्वच अतिथी देवो भव 

आणि वसुधैव कुटुंबकम संस्कृती जपणारे

डोळे आता थकले 

व्यवहारी जगात ते सुद्धा हरवलेच की...

आज तेच डोळे मिटता मिटता मला विचारतात 

काय मिळवलास रे मनसा 

असं काय मिळवलास ...

देवांनी दिलेल खाऊन 

त्याच्या मिठाला जागला नाही

अरे निसर्ग कोपला तर...

तू पण असाच हरवशील की....