Thursday, August 18, 2022

पाऊस ओला

मी भिजवून घेतले स्वतः
तू मात्र त्या छत्रीत ओली
निथळून गेलो संपूर्ण
तू मात्र तिळमात्र न्हाली
दाटले सर्वत्र धुके घनदाट
अन हाती आला तुझाच हात..
सुखावलो..... हरवलो
....रेंगाळलो आणि भुलत गेलो
शब्दा शब्दाला तुझ्या 
असा हरवत गेलो
स्वप्नात कड्यांना गुंफत गेलो

धुके ही मग विरळ झाले
सोनेरी उन्हाचे कवडसे पसरले
स्वप्नवत सारे कसे 
घटकेत ते पुरते सरले

तू त्या छत्री खाली
उभी एका सावली पाशी
मी मात्र चिंब ओला
दूर कुठेतरी एकाकी ....

No comments:

Post a Comment